اسلام ٹائمز۔ مردم شماری کیلئے وفاق متبادل نظام تیار کرنے میں ناکام ہو گیا۔ حکومت کو مردم شماری مرحلہ وار کرانے میں بھی مشکلات کا سامنا ہے۔ پاک فوج کے آپریشن ضرب عضب میں مصروفیت کے باعث ادارہ شماریات فوجی اہلکاروں کی مطلوبہ تعداد کے بغیر مطلوبہ پلان تیار نہ کرسکا۔ ادارے نے وزیر خزانہ اسحاق ڈار کو صورتحال سے آگاہ کر دیا جس کے بعد مردم شماری میں حائل مشکلات مشترکہ مفادات کونسل کے سامنے رکھنے کا فیصلہ کیا گیا ہے۔ مشترکہ مفادات کونسل میں مردم شماری کرانے یا موخر کرنے کا حتمی فیصلہ ہوگا۔