طبقاتی نظام تعلیم نے ریاست کو تقسیم کر دیا، خالد ابراہیم

اسلام ٹائمز۔ جموں و کشمیر پیپلز پارٹی کے صدر سردار خالد ابراہیم خان نے کہا ہے کہ طبقاتی نظام تعلیم نے ریاست کے اندر سماج کو دو حصوں میں تقسیم کر دیا ہے، پرائیویٹ تعلیمی اداروں کا نظام تعلیم سرکاری اداروں کی نسبت بہت بہتر اور بلند ہے۔ معیار تعلیم کو بہتر بنا کر ہم دنیا کے اندر کھویا ہوا مقام حاصل کر سکتے ہیں۔ ان خیالا ت کا اظہار انھوں نے نجی تعلیمی ادارے کی تقریب تقسیم انعامات سے خطاب کرتے ہوئے کیا۔ انہوں نے کہا کہ تعلیم کو مقدس پیشے کے طور پر اپنایا جائے تو اس کے بہتر نتائج برآمد ہو سکتے ہیں۔