0
Wednesday 6 Apr 2016 15:30
امریکا بد اخلاقی اور بد اعتمادی کا مظہر ہے

امریکہ اور بعض مغربی ممالک پر ہرگز اعتماد نہیں کیا جاسکتا، آیت اللہ العظمٰی سید علی خامنہ ای

امریکہ اور بعض مغربی ممالک پر ہرگز اعتماد نہیں کیا جاسکتا، آیت اللہ العظمٰی سید علی خامنہ ای
اسلام ٹائمز۔ رہبر انقلاب اسلامی آیت اللہ العظمٰی سید علی خامنہ ای نے امریکہ اور بعض مغربی ممالک کو ناقابل اعتماد قرار دیتے ہوئے ملکی معیشت کو طاقتور بنائے جانے کی ضرورت پر زور دیا ہے۔ ملک کے اعلٰی سول اور فوجی عہدیداروں سے عید نوروز کے بعد پہلی ملاقات کے موقع پر خطاب کرتے ہوئے رہبر انقلاب اسلامی نے امریکہ کو بداخلاقی اور بداعتمادی کا مظہر قرار دیا۔ آیت اللہ العظمٰی سید علی خامنہ ای نے کہا کہ امریکہ اور بعض مغربی ممالک پر ہرگز اعتماد نہیں کیا جا سکتا۔  رہبر انقلاب اسلامی نے اس بات پر تاکید کی کہ ہمیں اپنی توانائیوں پر بھروسہ کرنا ہے اور امریکی حکام کے رویّے اور بیانات سے بھی ہمارے اس نظریئے کی تائید ہوتی ہے۔

آیت اللہ العظمٰی سید علی خامنہ نے کہا کہ اگر ہم سچائی کے ساتھ میدان عمل میں اتریں گے تو خداوند متعال بھی ہماری مدد کرے گا۔ انہوں نے کہا کہ اجتماعی اور انفرادی زندگی کے راستے میں نشیب و فراز آتے رہتے ہیں، لیکن اہم بات یہ ہے کہ ہر حالت میں اپنی منزل کو فراموش نہ کریں۔ رہبر انقلاب اسلامی نے ملکی پیداوار کی حمایت پر زور دیتے ہوئے کہا کہ صنعت اور زراعت دونوں شعبوں میں پیداوار پر خاص توجہ دیئے جانے کی ضرورت ہے۔ رہبر انقلاب اسلامی نے استقامتی معیشت پر عمل درآمد کی جانب اشارہ کرتے ہوئے کہا کہ اس پالیسی پر عمل درآمد میں ملکی وسائل اور توانائیوں پر بھروسہ کیا جائے۔
خبر کا کوڈ : 532004
رائے ارسال کرنا
آپ کا نام

آپکا ایمیل ایڈریس
آپکی رائے

منتخب