96 فیصد مزدوروں کو بنیادی سہولیات تک میسر نہیں ہیں، میاں عبدالقیوم

اسلام ٹائمز۔ لیبر قومی موومنٹ کے صدر میاں عبدالقیوم نے فیصل آباد میں پریس کانفرنس سے خطاب کرتے ہوئے کہا ہے کہ پنجاب کے آٹھ اضلاع میں کئے گئے سروے کے مطابق 96 فیصد مزدوروں نے بتایا کہ انہیں بنیادی سہولیات تک میسر نہیں ہیں۔ انہوں نے کہا کہ 13مئی تک بھٹوں پر بچوں کو بنیادی سہولیات فراہم نہ کی گئیں تو دھوبی گھاٹ سے کمشنر آفس تک ریلی نکالیں گے۔ انکا کہنا تھا کہ لیبر ڈیپارٹمنٹ کی غفلت کے باعث بھٹہ مزدوروں کو سہولیات فراہم نہیں کی جا رہیں، بھٹوں پر پیشگی ادائیگی کی مد میں جبری مشقت، کتابیں کاپیاں اور تعلیمی وظائف نہ ملنے پر بھی متعلقہ ادارے سب اچھا کی رپورٹ دے رہے ہیں، حالانکہ بھٹہ مزدوروں کو زندگی کی بنیادی سہولیات تک میسر نہیں۔