اسلام ٹائمز۔ پاکستان پیپلز پارٹی گلگت بلتستان کے صدر امجد حسین ایڈووکیٹ نے کہا ہے کہ وزیراعلٰی حافظ حفیظ الرحمٰن نیشنل ایکشن پلان اور فورتھ شیڈول کو انتقامی کارروائی کے طور پر استعمال کرتے ہیں، جن لوگوں نے مسلم لیگ (ن) کو ووٹ دیا ہے ان کا تعلق کسی بھی کالعدم تنظیم سے ہو فورتھ شیڈول میں ان کا نام شامل نہیں ہے جبکہ جن لوگوں نے مسلم لیگ (ن) کو ووٹ نہیں دیا ہے، ان کا نام فورتھ شیڈول میں شامل کیا گیا ہے۔ انہوں نے کہا کہ مولانا منیر اور نواز خان کا تعلق ایک ہی تنظیم سے ہے مولانا منیر نے مسلم لیگ نون کو ووٹ دیا تھا اس لئے اس کا نام فورتھ شیڈول میں شامل نہیں ہے جبکہ نواز خان نے مسلم لیگ (ن) کو ووٹ نہیں دیا تھا اس لئے ان کا نام فورتھ شیڈول میں ڈال دیا گیا ہے اور اس طرح کے درجنوں نام ہمارے پاس موجود ہیں۔