اسلام ٹائمز۔ صدر مسلم لیگ (ن) آزادکشمیر راجہ فاروق خان نے کہا ہے کہ باغ میں پیپلز پارٹی کا جلسہ فلاپ ہو گیا، پیپلز پارٹی کے قائدین فریال تالپور کے گرد گھومتے رہے۔ نوازشریف محب وطن پاکستانی ہیں وہ اقتدارکا لالچ نہیں رکھتے بلکہ وہ پاکستان کو خوشحال دیکھنا چاہتے ہیں۔ مودی کا یار کون ہے اگر پنڈورہ بکس کھولا تو وہ لوگ منہ دکھانے کے قابل نہیں رہیں گے۔ ان خیالات کا اظہار انہوں نے حلقہ نمبر پانچ چکار کے گائوں جنڈالی، تمرکوٹ میں جلسہ سے خطاب کرتے ہوئے کیا۔ انہوں نے کہا کہ پی ٹی آئی کا آزادکشمیر میں بے حیائی پھیلانے کا ٹھیکہ بیرسٹرسلطان کو دیا گیا ہے مگر یہاں کے لوگ فحاشی کو قبول نہیں کریں گے، ہم الیکشن جیتیں گے۔