QR Code
حکومت نے ملک میں ایک عید منانے کے لیے کمیٹی تشکیل دے دی
19 May 2016 22:38
اسلام ٹائمز: وفاقی وزیر برائے مذہبی امور سردار یوسف نے اسلام آباد میں ایک تقریب کے دوران بتایا کہ ملک بھر میں ایک ہی دن عید منانے کےلیے کمیٹی تشکیل دے دی گئی ہے جو رمضان المبارک سے قبل ہی اس مسئلے کے حل کے لیے سر جوڑ کر بیٹھے گی اور ملک میں ایک ہی روز عید منانے کے لیے حکمت عملی طے کرے گی۔
اسلام ٹائمز۔ گزشتہ کئی سالوں سے پاکستان میں عید کے چاند کو لے کر تنازعات کھڑے ہوجاتے ہیں جس کے باعث ملک کے دیگر حصوں میں نہ صرف رمضان کی شروعات ایک ساتھ نہیں ہوپاتی بلکہ عیدالفطر بھی الگ الگ دن منائی جاتی ہے۔ تاہم حکومت نے اس مسئلہ کو حل کرنے کے لیے کمیٹی تشکیل دے دی ہے جو ملک بھر میں ایک ہی روز عید منانے کے لیے حکمت عملی طے کرے گی۔
وفاقی وزیر برائے مذہبی امور سردار یوسف نے اسلام آباد میں ایک تقریب کے دوران بتایا کہ ملک بھر میں ایک ہی دن عید منانے کےلیے کمیٹی تشکیل دے دی گئی ہے جو رمضان المبارک سے قبل ہی اس مسئلے کے حل کے لیے سر جوڑ کر بیٹھے گی اور ملک میں ایک ہی روز عید منانے کے لیے حکمت عملی طے کرے گی۔
خبر کا کوڈ: 539704