QR Code
فیصل آباد میں غیرت کے نام پر بیٹے کے ہاتھوں باپ اور بہن قتل
22 Jun 2016 12:19
اسلام ٹائمز: پنجاب پولیس ذرائع کا کہنا ہے کہ رضوان نامی شخص نے غیرت کے نام پر چھریوں کے وار کر کے اپنے 50 سالہ سوتیلے باپ اقبال اور 30 سالہ بہن سمیرا کو قتل کر دیا، جب کہ دوسری بہن سائرہ کو شدید زخمی حالت میں الائیڈ ہسپتال منتقل کر دیا گیا۔
اسلام ٹائمز۔ چک جمھرہ فیصل آباد میں بیٹے نے غیرت کے نام پر باپ اور ایک بہن کو قتل جب کہ دوسری کو شدید زخمی کر دیا۔ تفصیلات کے مطابق فیصل آباد کے علاقے چک جھمرہ میں رضوان نامی شخص نے غیرت کے نام پر چھریوں کے وار کر کے اپنے 50 سالہ سوتیلے باپ اقبال اور 30 سالہ بہن سمیرا کو قتل کر دیا، جب کہ دوسری بہن سائرہ کو شدید زخمی حالت میں الائیڈ ہسپتال منتقل کر دیا گیا جہاں اسے طبی امداد دی جا رہی ہے۔ واقعہ کی اطلاع ملتے ہی پولیس نے موقع پر پہنچ کر ملزم رضوان کو گرفتار کر لیا۔ پولیس کا کہنا ہے کہ واقعہ کا مقدمہ درج کر لیا ہے تاہم پوسٹ مارٹم رپورٹ آنے کے بعد ہی ملزم کے خلاف کارروائی عمل میں لائی جائے گی۔
خبر کا کوڈ: 547793