لاہور:
اسلام ٹائمز۔ لاہور میں امریکی شہری ریمنڈ ڈیوس کی کوٹ لکھپت جیل آمد کے بعد کالعدم تنظیموں سے تعلق رکھنے والے 209 افراد کو پنجاب کی پانچ مختلف جیلوں میں منتقل کردیا گیا ہے۔ جیل ذرائع کے مطابق ان قیدیوں میں 75 کا تعلق کالعدم اور باقی کا دیگر مذہبی تنظیموں ہے۔ ان قیدیوں کی پیشیاں بھی جیل کے اندر ہوتی ہیں۔ ان قیدیوں کو ملتان، ڈیرہ غازی خان،ساہیوال، شیخوپورہ اور قصور بھجوایا گیا ہے۔ ذرائع کے مطابق ان قیدیوں میں سزائے موت کے چار قیدی بھی ہیں۔ ریمنڈ کی حفاظت کیلئے اس کی بیرک کی چھت اور ارد گرد رینجرز تعینات کر دیئے گئے ہیں۔