0
Sunday 10 Jul 2016 19:32

بجلی کی لوڈشیڈنگ، کراچی میں پانی کے بڑے بحران کا خطرہ

بجلی کی لوڈشیڈنگ، کراچی میں پانی کے بڑے بحران کا خطرہ
اسلام ٹائمز۔ شہر قائد کو پانی فراہم کرنے والی 72 قطر انچ کی پائپ لائن پھٹنے سے کراچی کے بڑے حصے کو پانی کی فراہمی متاثر ہونے کا خدشہ ہے۔ تفصیلات کے مطابق آج صبح 6 بج کر 40 منٹ پر پر گھارو اور دھابیجی اسٹیشن کی بجلی معطل ہونے کے وجہ سے 72 انچ قطر کی پانی کی لائن پھٹ گئی۔ ایکسیئن دھابیجی پمپنگ اسٹٰیشن کے مطابق لائن کی مرمت میں کئی گھنٹے لگ سکتے ہیں۔ پپری پمپمنگ اسٹیشن پر بھی بجلی کی فراہمی بند ہے۔ پمپنگ اسٹیشن پر 6 گھنٹے بعد بھی بجلی بحال نہیں ہو سکی ہے۔ واٹر بورڈ کے مطابق کراچی کو ایک کروڑ 65 لاکھ گیلن پانی فراہم نہیں کیا جا سکا ہے۔ ایم ڈی واٹر بورڈ نے صورتحال سے وزیراعلیٰ سندھ، وزیر بلدیات اور کمشنر کراچی کو آگاہ کر دیا ہے۔ ایم ڈی واٹر بورڈ کا کہنا تھا کہ کے الیکٹرک نے بریک ڈاؤن نہ کرنے کا وعدہ نہیں نبھایا۔ اس موقع پر ایم ڈی واٹر بورڈ نے پمپنگ اسٹیشنوں پر متواتر بریک ڈاؤن پر کے الیکٹرک سے شدید احتجاج بھی کیا۔
خبر کا کوڈ : 551669
رائے ارسال کرنا
آپ کا نام

آپکا ایمیل ایڈریس
آپکی رائے