اسلام ٹائمز۔ سماجی رہنما اور ٹوبہ ٹیک سنگھ کی ضلعی بیت المال کمیٹی کے سابق چیئرمین چودھری ناصر اقبال نے کشمیر میں بھارتی افواج کے ہاتھوں بے گناہ مسلمانوں کے قتل عام پر شدید ردعمل ظاہر کرتے ہوئے کہا ہے کہ نہتے کشمیریوں کی شہادت پر مسلم ممالک کے حکمرانوں کی خاموشی لمحہ فکریہ ہے۔ ٹوبہ ٹیک سنگھ میں صحافیوں سے گفتگو کرتے ہوئے انہوں نے کہا کہ بھارت امریکہ کی آشیر باد سے بے گناہ مسلمانوں کا خون بہا رہا ہے، مسلم حکمران ہوش کے ناخن لیں اور مزید بے گناہ مسلمانوں کی گردنیں کٹنے سے بچائیں۔