طورخم بارڈر پر بھی پرچم لہرانے اور سلامی کا عمل شروع

اسلام ٹائمز۔ پاکستان اور افغانستان کے مابین طورخم بارڈرپر تاریخ میں پہلی مرتبہ قومی پرچم لہرانے اور سلامی کا عمل آج سے شروع کردیا گیا ہے۔ میڈیا رپورٹس کے مطابق پرچم صبح چھ بجے لہرایا جاتا ہے اور شام کے وقت قومی ترانے کے ساتھ اتارا جاتا ہے، جس کے بعد طور خم بارڈر ہر قسم کی آمدو رفت کےلئے بند ہو جاتا ہے۔ اس دوران بارڈر پر موجود سکیورٹی اہلکار پرچم کو سلامی پیش کرتے ہیں اور عام لوگ احتراماً قومی ترانے کے اختتام تک اپنی جگہ پر کھڑے ہوتے ہیں۔