0
Wednesday 27 Jul 2016 23:36

ملکی بالائی علاقوں میں شدید بارشیں، مختلف واقعات میں 5 افراد جاں بحق

ملکی بالائی علاقوں میں شدید بارشیں، مختلف واقعات میں 5 افراد جاں بحق
اسلام ٹائمز۔ پنجاب، خیبر پختونخوا اور آزاد کشمیر میں شدید بارشوں کے باعث سڑکیں تالاب بن گئیں جب کہ چھتیں گرنے اور مختلف واقعات میں 5 افراد جاں بحق ہوگئے۔ ذرائع کے مطابق خیبرپختونخوا، آزاد کشمیر اور پنجاب کے مختلف علاقوں میں شدید بارشوں کا سلسلہ جاری ہے، جڑواں شہر اسلام آباد اور راولپنڈی میں بھی موسلا دھار بارش کے بعد جل تھل ہوگیا، جب کہ راولپنڈی، ایبٹ آباد اور گوجرانوالہ میں چھتیں گرنے کے مختلف واقعات میں 5 افراد جاں بحق ہوگئے۔ گوجرانوالہ میں بارش کے باعث سڑکیں تالاب کا منظر پیش کرنے لگیں جس میں شہریوں نے تیراکی شروع کردی جب کہ سیالکوٹ کے گاؤں ڈھلن بلنگن میں مکان کی چھت گرنے سے 2 بچے جاں بحق ہوگئے جن کی شناخت 5 سالہ حسن اور 12 سالہ عاصم کے نام سے ہوئی ہے۔ ڈسکہ اور فیصل آباد میں بھی شدید ریکارڈ کی گئی۔ دوسری جانب خیبر پختونخوا میں بھی موسلا دھار بارشوں کا سلسلہ جاری ہے، پشاور، دیر، سوات، مینگورہ، چترال، بالاکوٹ اور مانسہرہ میں بھی وقفے وقفے سے بارش کا سلسلہ جاری ہے۔
خبر کا کوڈ : 555901
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش