حکومت مخالف قوتیں سی پیک منصوبہ سے خوفزدہ نہ ہوں اور اس کے خلاف سازشیں بند کریں، ڈاکٹر نادیہ عزیز

اسلام ٹائمز۔ پاکستان مسلم لیگ ن سرگودہا کی رہنما اور ایم پی اے ڈاکٹر نادیہ عزیز نے میڈیا سے گفتگو کرتے ہوئے کہا ہے کہ سی پیک منصوبے پر پاکستانی عوام، حکومت اور فوج ایک پیج پر ہیں۔ سرگودھا میں صحافیوں سے گفتگو کرتے ہوئے پی ایم ایل این کی رہنما کا کہنا تھا کہ سی پیک منصوبہ پاکستان کو معاشی طور پر بڑی قوت بنانے کا با عث بنے گا، 46 ارب ڈالر کی سرمایہ کاری سے روزگار کے مواقع میسر آئیں گے۔ انہوں نے کہا کہ حکومت مخالف قوتیں سی پیک منصوبہ سے خوفزدہ ہو کر اس کے خلاف سازشوں کا جاری سلسلہ بند کریں، کیونکہ یہ منصوبہ پاکستان کے مفادات کا محافظ ہے، جو لوگ افراتفری پھیلا کر اس منصوبے کو ناکام بنانا چاہتے ہیں، انہیں ہوش کے ناخن لینے چاہئیں۔