QR Code

ایران کے حج کوٹے کو دیگر ممالک میں تقسیم کرنا ایرانی مسلمانوں کیساتھ خیانت ہے، اراکین پارلیمنٹ

28 Jul 2016 15:27

اسلام ٹائمز: سعودی عرب کیجانب سے ایران کا حج کوٹہ پاکستان کو دیئے جانے کے فیصلے پر کڑی نکتہ چینی کرتے ہوئے ایرانی اراکین پارلیمنٹ کا کہنا تھا کہ آبادی کے تناسب سے حج کا کوٹہ صرف اسلامی تعاون تنطیم کے ذریعے ہی مقرر کیا جاسکتا ہے۔ ارکان پارلیمنٹ نے وزارت خارجہ سے اپیل کی ہے کہ وہ اس معاملے پر فوری اقدام کرے اور سعودی عرب کو ایران کا حج کوٹہ واگذار کرنے کی اجازت نہ دے۔

اسلام ٹائمز۔ اسلامی جمہوری ایران کے ارکان پارلیمنٹ نے سعودی عرب کی جانب سے ایران کے حج کوٹے کو دیگر ممالک میں تقسیم کئے جانے کے فیصلے پر کڑی نکتہ چینی کی ہے۔  ایران کے ارکان پارلیمنٹ نے وزارت خارجہ سے اپیل کی ہے کہ وہ اس معاملے پر فوری اقدام کرے اور سعودی عرب کو ایران کا حج کوٹہ واگذار کرنے کی اجازت نہ دے۔ ارکان پارلیمنٹ نے اس معاملے کو اسلامی تعاون تنطیم اور دیگر عالمی اداروں میں اٹھانے کی بھی اپیل کی ہے۔ اصفہان سے رکن پارلیمنٹ حمید رضا فولاد گر نے سعودی عرب کی جانب سے ایران کا حج کوٹہ پاکستان کو دیئے جانے کے فیصلے پر کڑی نکتہ چینی کی ہے۔ انہوں نے کہا کہ آبادی کے تناسب سے حج کا کوٹہ صرف اسلامی تعاون تنطیم کے ذریعے ہی مقرر کیا جاسکتا ہے۔ کرمانشاہ سے رکن پارلیمنٹ سید قاسم جاسمی نے ایران کے جح کوٹے کی دیگر ملکوں میں تقسیم کو مروجہ عالمی اصولوں کے منافی قرار دیا ہے۔ انہوں نے کہا کہ ایران کے حج کوٹے کو دیگر ملکوں میں تقسیم کرنا ایرانی مسلمانوں کے ساتھ خیانت ہے اور وزارت خارجہ اور محکمہ حج و زیارت کو اس کی اجازت نہیں دینا چاہیے۔ بوکان سے تعلق رکھنے والے رکن پارلیمنٹ نے بھی یہ بات زور دیکر کہی کہ سعودی عرب کو حج کوٹے کے بارے میں من مانی کا اختیار حاصل نہیں ہے۔ انہوں نے کہا کہ آل سعود حکومت اپنے اقتدار کی بقا کے لئے کسی بھی اقدام سے گریزاں نہیں ہے، لہذا اس نے مسلمانوں کے مفادات کو داؤ پر لگا دیا ہے اور اسلامی قوانین اور ضابطوں کو پامال کر رہی ہے۔

خبر کا کوڈ: 556216