QR Code

سانحہ کوئٹہ، جاں بحق اور زخمی ہونے والوں میں صحافی اور کیمرہ مین بھی شامل

8 Aug 2016 15:53

اسلام ٹائمز: دھماکے میں آج نیوز کے کیمرہ مین شہزاد خان جاں بحق جب کہ دنیا نیوز سے تعلق رکھنے والے رپورٹر فرید اللہ اور ڈان نیوز کے کیمرہ مین محمود زخمی ہوگئے ہیں، موقع پر موجود میڈیا کے نمائندوں کا کہنا ہے کہ کئی صحافی اور کیمرہ مین دھماکے کے بعد سے لاپتہ ہیں اور ان سے رابطہ نہیں ہوپا رہا۔

اسلام ٹائمز۔ سول اسپتال کے شعبہ حادثات کے مرکزی دروازے پر ہونے والے خودکش حملے میں صحافی اور نیوز کیمرہ مین بھی شامل ہیں۔ ایک نجی ٹی وی کے مطابق سول اسپتال کوئٹہ کے شعبہ حادثات کے مرکزی دروازے پر اس وقت خودکش حملہ ہوا جب ٹارگٹ کلنگ کا نشانہ بننے والے بلوچستان بار کونسل کے صدر بلال انور کاسی کی لاش لائی گئی تھی، اس موقع پر صحافیوں اور کیمرہ مین کی بڑی تعداد وہاں موجود تھی۔ دھماکے میں آج نیوز کے کیمرہ مین شہزاد خان جاں بحق جب کہ دنیا نیوز سے تعلق رکھنے والے رپورٹر فرید اللہ اور ڈان نیوز کے کیمرہ مین محمود زخمی ہوگئے ہیں، موقع پر موجود میڈیا کے نمائندوں کا کہنا ہے کہ کئی صحافی اور کیمرہ مین دھماکے کے بعد سے لاپتہ ہیں اور ان سے رابطہ نہیں ہوپارہا۔

خبر کا کوڈ: 558923