اسلام ٹائمز۔ پاکستان تحریک انصاف خوشاب کے رہنما و سابق ضلعی ناظم احسان ﷲ ٹوانہ نے میڈیا سے بات چیت کرتے ہوئے کہا ہے کہ احتجاجی تحریک شروع ہوتے ہی حکمرانوں کی صفوں میں کھلبلی مچ گئی ہے۔ انہوں نے کہا کہ پوری قوم حکمرانوں کے آمرانہ اور عوام دشمن اقدامات کی وجہ سے تنگ ہے۔ انہوں نے کہا کہ پی ٹی آئی اسوقت ملک کی مقبول ترین جماعت ہے، جو حکمران ٹولہ کی کرپشن عوام کے سامنے لا رہی ہے۔ انکا کہنا تھا کہ عمران خان کی جانب سے شروع کی گئی تحریک حکمرانوں کے احتساب تک جاری رہے گی۔