0
Thursday 11 Aug 2016 18:41

وزیراعلیٰ پنجاب نے جشن آزادی پر سکیورٹی انتظامات سخت کرنے کی ہدایت کردی

وزیراعلیٰ پنجاب نے جشن آزادی پر سکیورٹی انتظامات سخت کرنے کی ہدایت کردی
اسلام ٹائمز۔ وزیراعلیٰ پنجاب میاں شہباز شریف نے سانحہ کوئٹہ کے حوالے سے یوم آزادی کی تقریبات سادگی سے منانے کی ہدایت کر دی جبکہ میاں شہباز شریف نے 14 اگست کی تقریبات کیلئے فول پروف سیکیورٹی یقینی بنانے کی ہدایت بھی کر دی ہے۔ ماڈل ٹاون میں وزیراعلیٰ نے اجلاس کی صدارت کرتے ہوئے 14 اگست کی تقریبات کیلئے فول پروف سیکیورٹی یقینی بنانے کی ہدایت کرتے ہوئے کہاکہ عوام کے جان ومال کے تحفظ کیلئے تمام ضروری اقدامات کیے جائیں اور حساس اور پبلک مقامات کیساتھ مارکیٹوں، بازاروں اور دیگر اہم جگہوں پر پولیس کی اضافی نفری تعینات کی جائے۔ اجلاس میں سانحہ کوئٹہ کے حوالے سے یوم آزادی کی تقریبات سادگی سے منانے کا فیصلہ کرتے ہوئے یوم آزادی اور پرچم کشائی کی تقریبات میں شہداء کیلئے قرآن خوانی کروائی جائے گی۔ انھوں نے کہا کہ پولیس اور متعلقہ ادارے ہر وقت چوکس رہیں اور سکیورٹی کے جامع پلان پر عملدرآمد یقینی بنایا جائے۔ اس موقع پر صوبائی وزیر قانون رانا ثناءاللہ، مشیر صحت خواجہ سلمان رفیق، ایم پی اے جہانگیر خانزادہ، معاون خصوصی رانا مقبول احمد، چیئرپرسن چائلڈ پروٹیکشن اینڈ ویلفیئر بیورو صبا صادق سمیت دیگر رہنما بھی موجود تھے۔
خبر کا کوڈ : 559789
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش