QR Code
ڈی آئی خان، علامہ ناصر عباس جعفری کے استقبال اور جلسہ کے انتظامات مکمل
25 Aug 2016 23:59
اسلام ٹائمز: بسلسلہ چہلم سید شاہد شیرازی ایڈووکیٹ اور برسی شہدائے ڈیرہ (ہسپتال بم دھماکہ) کوٹلی امام حسین (ع) میں فقید المثال جلسہ عام کا انتظام کیا گیا ہے، جس میں ایم ڈبلیو ایم کے مرکزی سیکرٹری جنرل، آئی ایس او کے مرکزی صدر اور شہید قائد کے فرزند خصوصی خطاب کرینگے۔
اسلام ٹائمز۔ ڈیرہ اسماعیل خان میں مجلس وحدت مسلمین پاکستان کے سیکرٹری جنرل علامہ راجہ ناصر عباس کے استقبال اور کوٹلی امام حسین (ع) میں ہونے والے جلسہ عام کے انتظامات مکمل کر لئے گئے ہیں۔ ایم ڈبلیو ایم کی ضلعی شوریٰ کے رکن سید شاہد شیرازی کے چہلم اور شہدائے ڈیرہ (ہسپتال بم دھماکہ) کی برسی کے موقع پر ایم ڈبلیو ایم کے زیراہتمام کوٹلی امام حسین (ع) میں بڑے عوامی اجتماع کا اہتمام کیا گیا ہے۔ جس میں ایم ڈبلیو ایم کے مرکزی سیکرٹری جنرل علامہ راجہ ناصر عباس جعفری، آئی ایس او کے مرکزی صدر علی مہدی، شہید قائد علامہ سید عارف حسین الحسینی کے فرزند سید علی حسین الحسینی خصوصی شرکت کر رہے ہیں۔ جلسہ کا آغاز بعد از نماز جمعہ ہوگا، جو کہ مغربین تک جاری رہیگا۔ کوٹلی امام حسین (ع) میں اس حوالے سے تمام تر انتظامات مکمل کر لئے گئے ہیں، جبکہ ضلعی انتظامیہ کی جانب سے سکیورٹی کے بھی خصوصی انتظامات کئے جا رہے ہیں۔ اجتماع میں بڑے پیمانے پر عوامی شرکت متوقع ہے، جبکہ جا بجا قائد وحدت کو سرزمین شہداء پر خوش آمدید کے خیر مقدمی بینرز اور پینافلیکس آویزاں ہیں۔ ہفتہ کے روز علامہ راجہ ناصر عباس جعفری پریس کانفرنس سے خطاب کرینگے۔
خبر کا کوڈ: 563213