QR Code

تحریک احتساب کامیابی سے ہمکنار ہو گی اور سرزمین پاکستان پر سیاسی تبدیلی کا خواب ضرور پورا ہوگا، گل اصغر بگھور

2 Sep 2016 10:26

اسلام ٹائمز: جوہرآباد میں میڈیا سے بات چیت کرتے ہوئے پی ٹی آئی کے صوبائی رہنما کا کہنا تھا کہ قومی خزانے کو بیدردی سے لوٹنے اور ملکی دولت کو بیرونِ ملک منتقل کرنے والوں کو ایک ایک پائی کا حساب دینا ہوگا۔

اسلام ٹائمز۔ پاکستان تحریک انصاف پنجاب کے ڈپٹی آرگنائزر گل اصغر بگھور نے جوہرآباد میں میڈیا سے گفتگو کرتے ہوئے کہا ہے کہ پی ٹی آئی کی موثر اور جراتمندانہ جدوجہد کے نتیجہ میں اب پانامہ لیکس ایشو کو دفن نہیں کیا جا سکے گا۔ جوہرآباد میں میڈیا سے بات چیت کرتے ہوئے پی ٹی آئی کے صوبائی رہنما کا کہنا تھا کہ قومی خزانے کو بیدردی سے لوٹنے اور ملکی دولت کو بیرونِ ملک منتقل کرنے والوں کو ایک ایک پائی کا حساب دینا ہوگا۔ اُنھوں نے کہا کہ پانامہ لیکس ایشو پر تمام اپوزیشن جماعتیں متحد ہیں، پی ٹی آئی کی تحریک احتساب انشاء اﷲ کامیابی سے ہمکنار ہو گی اور سرزمین پاکستان پر سیاسی تبدیلی کا خواب پورا ہوگا۔ واضح رہے کہ پاکستان تحریک انصاف کی تحریک احتساب اور پاکستان مارچ میں جماعت اسلامی، پاکستان عوامی تحریک اور پاکستان پیپلز پارٹی نے بھی شریک ہونے کا اعلان کیا ہے۔

خبر کا کوڈ: 564587