ایف بی آر نے عمران خان سمیت آف شور کمپنیوں کے مالکان کو نوٹسز جاری کردیئے

اسلام ٹائمز۔ ایف بی آر نے چیئرمین تحریک انصاف عمران خان سمیت آف شور کمپنیوں کے مالکان کو نوٹسز جاری کر دیئے۔ ایف بی آر کے مطابق، جہانگیر ترین، ان کے بچوں، علیم خان اور مونس الہی کو بھی نوٹس جاری کیا گیا ہے، ایسے افراد جن کی آف شور کمپنیوں کے حوالے سے میڈیا میں رپورٹس آئی ہیں ان تمام کو نوٹس جاری کئے گئے ہیں۔ ایف بی آر کے مطابق، انکم ٹیکس آرڈیننس کی شق ایک سو چھہتر کے تحت نوٹسز ایشو کیے گئے ہیں، جن افراد کا پانامالیکس میں ذکر نہیں تاہم ان کی آف شور کمپنیاں ہیں انہیں بھی نوٹس جاری کیے گئے ہیں۔