ایم ڈبلیو ایم کراچی کے تحت سالانہ جشن ولایت علی ابن ابیطالب علیہ السلام آج منعقد ہوگا

اسلام ٹائمز۔ مجلس وحدت مسلمین پاکستان کراچی ڈویژن کی جان سے عید غدیر کی مناسبت سے جشن ولایت علی ابن ابیطالب علیہ السلام آج منعقد کیا جائے گا۔ ایم ڈبلیو ایم کراچی کے سیکریٹری اطلاعات ظفر جعفری کے مطابق بریٹو روڈ سولجر بازار میں منعقد کئے جانے والے جشن سے علامہ راجہ ناصر عباس جعفری، پیر سید مقدس شاہ کاظمی، علامہ اعجاز بہشتی، علامہ احمد اقبال رضوی خطاب کریں گے جبکہ معروف منقبت خواں علی صفدر رضوی، شجاع رضوی، علی یزداں سمیت دیگر نذرانہ عقیدت پیش کریں گے۔ جشن ولایت کی تیاریاں مکمل کی جاچکی ہیں، جبکہ اس کی تشہیر کیلئے شہر بھر میں پوسٹرز، بینرز بھی آویزاں کئے گئے ہیں۔