9 بڑے شہروں میں آپریشن، 19 کروڑ کی منشیات اسمگل کرنے کی کوشش ناکام

اسلام ٹائمز۔ وزارت داخلہ کے تحت کام کرنے والے وفاقی ادارے انٹی نارکوٹیکس فورس کے ترجمان نے اسلام آباد میں میڈیا سے گفتگو کرتے ہوئے کہا ہے کہ چوبیس گھنٹوں کے دوران راولپنڈی، لاہور، فیصل آباد، قصور، شیخوپورہ، پشاور، کوئٹہ اور تربت میں آپریشنز کئے گئے، جن کے دوران 19 کروڑ 20 لاکھ روپے مالیت کی 276 کلو گرام منشیات برآمد کرتے ہوئے، 11 اسمگلروں کو گرفتار کر لیا گیا۔ اینٹی نارکوٹکس فورس نے موٹروے ٹول پلازہ پشاور سمیت دیگر بڑے شہروں سے 3 مفرور ملزم بھی گرفتارکئے ہیں۔