اسلام ٹائمز۔ انٹرنیشنل ڈے کے موقع پر محکمہ سوشل ویلفیئر اور اطلاعات و ثقافت پنجاب کے اشتراک سے سوشل ویلفیئر کمپلیکس فیصل آباد میں سیمینار منعقد ہوا۔ سیمینار سے خطاب کرتے ہوئے ای ڈی او کمیونٹی ڈویلپمنٹ خالد بشیر نے خطاب کرتے ہوئے کہا کہ عالمی امن کا دن منانے کا مقصد بدامنی کے محرکات کی روک تھام اور پیار و محبت کے جذبات کو فروغ دینا ہے۔ انکا کہنا تھا کہ کرہ ارض پر امن سے ہی انسانیت کی بقاء اور پائیدار سماجی ترقی ممکن ہے۔ انہوں نے کہا کہ اسلام امن و سلامتی کا مذہب ہے اور پاکستانی قوم امن کی داعی ہے۔