خیبر ایجنسی، پاک فضائیہ کا تربیتی طیارہ گر کر تباہ، پائلٹ محفوظ

اسلام ٹائمز۔ پاک فضائیہ کا ایک تربیتی طیارہ خیبر یجنسی میں گر کر تباہ ہوگیا ہے۔ میڈیا رپورٹس کے مطابق ایف سیون طیارہ جمرود کے پہاڑی علاقے میں گر کر تباہ ہوا ہے، البتہ حادثے میں دونوں پائلٹ محفوظ رہے ہیں۔ پولیٹیکل ذرائع کے مطابق طیارے کو حادثہ تاترہ چیک پوسٹ کے نزدیکی علاقے میں پیش آیا ہے۔ حادثے کی اطلاع ملتے ہی سکیورٹی فورسز اور خاصہ فورس کی نفری جائے حادثہ کی جانب روانہ ہوگئی تھی، جبکہ نزدیکی علاقے کے مکین بھی جائے حادثہ پر پہنچنے کی کوشش کررہے ہیں۔