اسلام ٹائمز۔ پنجاب پولیس اور انسداد دہشت گردی فورس کی مشترکہ کاروائی کے دوران فیصل آباد میں محرم الحرام پر ممکنہ تخریب کاری کا منصوبہ ناکام بنا دیا گیا، کومبنگ آپریشن کے دوران دس مبینہ دہشتگردوں کو گرفتار کر لیا گیا، اسلحہ، گاڑیاں اور غیرملکی کرنسی بھی برآمد ہوئی۔ فیصل آباد میں حساس اداروں، سی ٹی ڈی اور ایلیٹ فورس نے انٹیلی جنس معلومات پر امین ٹاؤن میں ایک کوٹھی پر چھاپہ مارا، پکڑے گئے دہشتگرد محرم الحرام کے دوران بڑے پیمانے پر دہشتگردی کی منصوبہ بندی کر رہے تھے۔ ملزموں کے قبضے سے جدید ترین اسلحہ، واکی ٹاکی، نقشے، گاڑیوں کی نمبر پلیٹیں، ملکی و غیر ملکی کرنسی، ہزاروں گولیاں اور دیگر سامان برآمد ہوا، ملزموں کو نامعلوم مقام پر منتقل کر کے تفتیش شروع کر دی گئی۔