کشمیری اپنی سرزمین پر حق خودارادیت چاہتے ہیں، مسعود خان

اسلام ٹائمز۔ صدر آزاد جموں و کشمیر سردار محمد مسعود خان نیو یارک کا دورہ مکمل کرنے کے بعد واشنگٹن روانہ ہو گئے۔ نیویارک میں قیام کے دوران او آئی سی کشمیر رابطہ گروپ، او آئی سی وزراء خارجہ اور اقوام متحدہ کی جنرل اسمبلی کے اجلاسوں میں شرکت اور مختلف ممالک کے سفیروں سے ملاقاتیں کیں۔ سردار مسعود خان کا کہنا ہے کہ ہم کسی دوسرے ملک یا قوم کی ایک انچ زمین کے دعویدار نہیں کشمیری اپنی سرزمین پر حق خودارادیت چاہتے ہیں، کشمیری بین الاقوامی قانون اور عالمی ادارے کی متفقہ قراردادوں کے مطابق انصاف چاہتے ہیں۔ آخری آپشن کے طور پر ایٹمی ہتھیار کسی بھی ملک نے استعمال کیے تو پورا خطہ ایٹمی جنگ کا ایندھن بن جائے گا۔