اسلام ٹائمز۔ پشاور کے نواحی علاقے بڈھ بیر مروزئی میں نامعلوم افراد نے ایک شخص کو گھر کے قریب فائرنگ کرکے موت کے گھاٹ اتاردیا۔ ملزمان واردات کے بعد فرار ہوگئے۔ مسماۃ فوزیہ زوجہ شاہ جی سکنہ بازید خیل نے رپورٹ درج کراتے ہوئے پولیس کو بتایا کہ گزشتہ شب اس کا شوہر کسی کام کی غرض سے نکلا اور واپس نہیں آیا، اگلے روز اطلاع ملی کہ اس کے شوہر کو نامعلوم افراد نے فائرنگ کرکے قتل کردیا ہے۔ پولیس نے نامعلوم افراد کے خلاف مقدمہ درج کرکے تفتیش شروع کردی۔