بلوچستان، ضلع لہڑی میں سکیورٹی فورسز کی کارروائی، ایک دہشتگرد ہلاک

اسلام ٹائمز۔ بلوچستان کے ضلع لہڑی میں سکیورٹی فورسز کی کارروائی میں ایک دہشت گرد مارا گیا۔ ترجمان ایف سی کے مطابق لہڑی کے علاقے ریلو گلاب میں ایف سی اور حساس ادارے کے اہلکاروں نے دہشت گردوں کے خلاف کارروائی کی، اس دوران فائرنگ کا تبادلہ ہوا، جس کے نتیجے میں ایک دہشت گرد ہلاک ہوگیا۔ دہشت گرد کے قبضے سے ایک سب مشین گن اور دو کلو بارود بمعہ تار برآمد کر لیا گیا۔