QR Code
مظفرآباد میں ایم سی کی سیز فائر لائن توڑنے کی تیاریاں شروع
15 Oct 2016 09:54
اسلام ٹائمز: صحافیوں سے گفتگو کرتے ہوئے مسلم کانفرنس کے رہنما کا کہنا تھا کہ کشمیریوں پر ظلم و بربریت کا حساب بھارت کو چکانا ہو گا۔ ہم مقبوضہ کشمیر میں ہونے والے مظالم کے خلاف آخری حد تک جائیں گے۔
اسلام ٹائمز۔ مسلم کانفرنس مظفرآباد ڈویژن نے سیز فائر لائن توڑنے کے لیے تیاریاں شروع کر دیں، مظفرآباد ڈویژن کے ٹکٹ ہولڈروں، سٹی اور ضلعی عہدیداروں نے مہم چلانے کا آغاز کر دیا۔ سابق وزیر پیر غلام مرتضیٰ گیلانی، دیوان علی خان چغتائی، شمیم علی ملک، راجہ ثاقب مجید، مفتی منصورالرحمان، میر عتیق الرحمان، کرنل ریٹائرڈ عارف عباسی نے صحافیوں سے گفتگو کرتے ہوئے کہا کہ ہم سردار عتیق احمد خان کے اعلان کو سراہتے ہیں، سیز فائرلائن کو توڑنے کے لئے عملی اقدامات کریں گے، مقبوضہ کشمیر کے عوام کے لئے کسی قربانی سے دریغ نہیں کریں گے،ہم مقبوضہ کشمیر میں ہونے والے مظالم کے خلاف آخری حد تک جائیں گے۔ کشمیریوں پر ظلم و بربریت کا حساب بھارت کو چکانا ہو گا۔
خبر کا کوڈ: 575437