اسلام ٹائمز۔ پشاورہائیکورٹ کے جسٹس غضنفرعلی اورجسٹس حیدرعلی پر مشتمل دو رکنی بنچ نے بڈھ بیر میں قائم مویشی منڈی کی نیلامی روک دی، فاضل بنچ نے یہ احکامات محمد عمران کی جانب سے دائررٹ پرجاری کئے۔ اس موقع پر ان کے وکیل فرقان یوسفزئی نے عدالت کو بتایا کہ ناظم ٹاون فور نے بڈھ بیر میں واقع مویشی منڈی کی نیلامی کیلئے اشتہار جاری کیا ہے تاہم وہاں پر ایک غیر قانونی مویشی منڈی قائم ہے اور جب تک منڈی کو بند نہیں کیاجاتا، مذکورہ نیلامی روک دی جائے، عدالت نے ابتدائی دلائل کے بعد منڈی مویشیاں کی نیلامی روکتے ہوئے ناظم ٹاون فور اور ٹی ایم او انتظامیہ سے جواب طلب کرلیا۔