کراچی، پولیس اور حساس ادارے کی مشترکہ کارروائی، کالعدم اہلسنت و الجماعت کراچی کے صدر رب نواز حنفی گرفتار

اسلام ٹائمز۔ کراچی کے علاقے گلبہار خاموش کالونی میں پولیس اور حساس ادارے نے مشترکہ کارروائی کرکے کالعدم اہلسنت و الجماعت کراچی کے صدر رب نواز حنفی کو گرفتار کرلیا ہے۔ ذرائع کے مطابق گلبہار خاموش کالونی میں پولیس اور حساس ادارے نے مشترکہ کارروائی کی، اس دوران اہلسنت و الجماعت کراچی کے صدر رب نواز حنفی کو حراست میں لے کر نامعلوم مقام پر منتقل کردیا گیا ہے۔ ترجمان اہلسنت و الجماعت نے رب نواز حنفی کی گرفتاری کی تصدیق کرتے ہوئے کہا کہ انہیں پوچھ گچھ کیلئے حراست میں لیا گیا ہے۔