ڈپٹی چئیرمین نیب امتیاز تاجور کیخلاف الزامات کی تحقیقات

اسلام ٹائمز۔ ایف آئی اے نے ڈپٹی چئیرمین نیب امتیاز تاجور کے خلاف بطور چیئرمین نادرا بےضابطگیوں کی تحقیقات شروع کر دی ہیں۔ امیتاز تاجور پر نادرا میں بطور چیئرمین خلاف ضابطہ چھ سو چھیالیس بھرتیاں کرنے، خریداری اور پچپن لاکھ روپے قرض لینے اور واپس نہ کرنے کا الزام ہے۔ ایف آئی اے نے نادرا سے امیتاز تاجور کے دور کا ریکارڈ بھی مانگ لیا۔ ایف آئی کی جانب سے نادرا سے امتیاز تاجور کا بطور چیئرمین مراعات حاصل کرنے کا ریکارڈ بھی طلب کیا گیا ہے۔