اسلام ٹائمز۔ ایف سی اور حساس اداروں نے بلوچستان کے علاقے مچھ میں کارروائی کی، فائرنگ کے تبادلے میں کالعدم تنظیم کے 3 دہشت گرد ہلاک ہوگئے۔ ایف سی ترجمان کے مطابق ایف سی اور حساس اداروں نے مچھ کے علاقے آب گم مشکاف جیل میں کارروائی کی تو مسلح افراد کی جانب سے فائرنگ کی گئی، جوابی فائرنگ میں بلوچ مسلح کالعدم تنظیم کے 3 دہشت گرد ہلاک ہوگئے، جن کے قبضے سے 3 ایس ایم جی، 4 دیسی ساختہ بم اور تخریب کاری کا دیگر مواد برآمد ہوا۔ ایف سی ترجمان کے مطابق ہلاک ہونے والے دہشت گرد 7 اور 16 اکتوبر کو ٹرین حملوں میں ملوث تھے۔ ان واقعات میں متعدد مسافر جانبحق اور زخمی ہوئے تھے۔