اسلام ٹائمز۔ پاکستان پیپلز پارٹی کے چیئرمین بلاول بھٹو زرداری نے امریکا کے نو منتخب صدر ڈونلڈ ٹرمپ کو مبارکباد دے دی۔ تفصیلات کے مطابق ٹوئٹر پر اپنے پیغام میں بلاول بھٹو زرداری نے کہا کہ میرا نام بلاول ہے، میں مسلمان، پاکستانی اور دنیا کا شہری ہوں۔ انہوں نے ڈونلڈ ٹرمپ کو مبارک باد دیتے ہوئے صدارتی امیدوار ہیلری کلنٹن کی دلجوئی بھی کی۔ انہوں نے کہا کہ آپ نے بہت بہادری سے مقابلہ کیا ہے اور میں امید کرتا ہوں کہ یہ شکست آپ کو مزید مضبوط کرے گی۔ بلاول بھٹو نے ہیلری کلنٹن کے مستقبل کیلئے نیک تمناﺅں کا بھی اظہار کیا۔