اسلام ٹائمز۔ فرنٹیئر کور بلوچستان اور حساس ادارے نے ہوشاب کے علاقے میں کارروائی کے دوران کالعدم تنظیم سے تعلق رکھنے والے 8 دہشت گردوں کو گرفتار کرلیا، کارروائی میں مختلف نوعیت کا اسلحہ اور تخریبی مواد بھی برآمد کر لیا گیا۔ ترجمان ایف سی کے مطابق ایف سی اور حساس ادارے کی جانب سے کارروائی ہوشاب کے علاقے تنک بازار میں کی گئی، کارروائی میں فائرنگ کے تبادلے کے بعد 8 دہشت گردوں کو گرفتار کر لیا گیا۔ کارروائی میں 4 آر پی جی سیون راکٹ، 5 رائفلیں، بارود، آئی ای ڈیز کے علاوہ 63 کلو گرام، حشیش، مختلف فیوز، مواصلاتی آلات اور دیگر تخریبی مواد بھی قبضے میں لیا گیا۔ ترجمان ایف سی کے مطابق گرفتار دہشت گردوں کا تعلق کالعدم بی ایل ایف سے ہے۔