اسلام ٹائمز۔ بزم جانثاران ختم نبوت سرگودہا کے زیراہتمام مسجد شہدا سٹی سٹاپ میں تیسری سالانہ شہید اعظم کانفرنس سے خطاب کرتے ہوئے مولانا امان اللہ سواگی نے کہا ہے کہ شہادت امام حسینؓ ظالم اور جابر حکمرانوں کے سامنے کلمہ حق بلند کرنے کا درس دیتی ہے، تاریخ اسلام میں شہدائے کربلا ؓکی عظیم قربانی کی مثال نہیں ملتی ۔حضرت سید نا امام حسینؑ اور آپؑ کے رفقاء کی قربانیاں امت مسلمہ کیلئے ہدایت کا مینار ہیں۔ کانفرنس سے مولانا نثار نوری، مولانا قمر ترابی، پیر مشتاق الازہری، پیر جاوید قادری، قاضی احمد حسن چشتی اور مولانا ساجد رضوی نے بھی خطاب کیا۔