اسلام ٹائمز۔ کراچی کے مسائل حل کرنے کے لئے مئیر وسیم اختر نے سیاسی جماعتوں سے رابطوں کا سلسلہ شروع کر دیا۔ وسیم اختر نے پہلی ملاقات اے این پی کے شاہی سید سے کی اور ایک بار پھر وفاق سے سی پیک میں حصہ مانگ لیا۔ میئر کراچی وسیم اختر عوامی نیشنل پارٹی سندھ کے صدر شاہی سے ملاقات کے لیے مردان ہاؤس پہنچے۔ میئر کراچی نے وفاق سے ایک بار پھر مطالبہ کیا کہ سی پیک میں کراچی کو جائز حصہ دیا جائے۔ ان کا کہنا تھا کہ شہر کا کچرا اٹھانے کا کام چین کو دیا جا رہا ہے، حکومت سندھ ان سے مشورہ کر لیتی تو بہتر تھا۔ عوامی نیشنل پارٹی سندھ کے صدر شاہی سید کا کہنا تھا کہ کراچی کے امن کے لئے بھر پور تعاون کریں۔ وسیم اختر نے تحریک انصاف کے رہنما عمران اسماعیل سے بھی ٹیلیفون پر رابطہ کیا اور شہر کے مسائل حل کرنے کے لیے تعاون کی درخواست کی۔

اسلام ٹائمز