Saturday 10 Dec 2016 16:40
اسلام ٹائمز۔ عزیز آباد پولیس نے کارروائی کرتے ہوئے قبرستان سے مردے نکال کر قبریں فروخت کرنے والے گورکن کو گرفتار کرکے تفتیش کے لیے تھانے منتقل کردیا ہے۔ تفصیلات کے مطابق عزیز آباد انویسٹی گیشن ٹیم نے کراچی کے علاقے عزیزآباد میں واقع یاسین آباد قبرستان میں کارروائی کرتے ہوئے فیاض نامی گورکن کو گرفتار کرلیا ہے۔ پولیس حکام نے کہا کہ ملزم قبریں فروخت کرنے کے مکروہ دھندے میں ملوث ہے۔ پولیس حکام کا کہنا ہے کہ ملزم کے خلاف ایک مقامی شخص نے ایف آئی درج کروائی جس کے بعد سے گورکن کی تلاش جاری تھی، تاہم آج جیسے ہی وہ قبرستان میں داخل ہوا، خفیہ اطلاع ملتے ہی کارروائی عمل میں لائی گئی جس کے نتیجے میں ملزم گرفتار ہوا۔ پولیس افسران کے مطابق شہری کی جانب سے شکایت درج کروائی گئی تھی کہ ملزم تازہ قبروں میں سے مردے نکال کر انہیں فروخت کرتا اور قبر کو 15 سے 20 ہزار روپے میں فروخت کرتا تھا۔
خبر کا کوڈ : 590403
منتخب
17 Apr 2024
17 Apr 2024
17 Apr 2024
17 Apr 2024
17 Apr 2024
16 Apr 2024
16 Apr 2024
17 Apr 2024