0
Monday 14 Mar 2011 12:29

شمالی اور جنوبی وزیرستان میں امریکی ڈرون حملے، 10 افراد جاں بحق، متعدد زخمی

شمالی اور جنوبی وزیرستان میں امریکی ڈرون حملے، 10 افراد جاں بحق، متعدد زخمی
میران شاہ:اسلام ٹائمز۔ شمالی وزیرستان کے علاقے میرانشاہ میں ڈرون حملے میں چھ افراد جاں بحق اور دو زخمی ہو گئے۔ تفصیلات کے مطابق میرانشاہ کے گاؤں ٹپی میں ڈرون سے دو میزائل داغے گئے، جس سے چار افراد جاں بحق اور دو زخمی ہو گئے۔ تاہم دونوں زخمی جانبر نہ ہو سکے۔ ڈرون حملوں کی پروازیں اب بھی جنوبی وزیرستان کے مختلف علاقوں میں جاری ہیں۔ واضح رہے، گزشتہ روز بھی امریکی جاسوس طیارے سے دو حملے کئے گئے جن میں نو افراد جاں بحق ہو گئے تھے۔
ادھر وانا سے موصولہ اطلاعات کے مطابق جنوبی وزیرستان کے علاقے اعظم ورسک میں امریکی جاسوس طیارے کے میزائل حملے میں چار افراد جاں بحق ہوگئے۔ تفصیلات کے مطابق امریکی جاسوس طیارہ نے اعظم ورسک کے علاقے میں ایک گاڑی پر دو میزائل داغے جس سے ابتدائی معلومات کے مطابق چار افراد ہلاک ہو گئے اور مزید ہلاکتوں کا خدشہ ہے۔ علاقہ میں امریکی جاسوس طیاروں کی نچلی پروازیں جاری ہیں جس سے علاقے میں خوف ہو ہراس پھیلا ہوا ہے۔
خبر کا کوڈ : 59393
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش