کے پی کے حکومت کیجانب سے سی پیک سیل قائم کر دیا گیا

اسلام ٹائمز۔ وزیراعلٰی خیبر پختونخوا کی ہدایت پر سی پیک سے متعلق امور کے لئے خصوصی سیل قائم کر دیا گیا۔ حکومتی ذرائع کے مطابق محکمہ منصوبہ بندی و ترقیات خیبر پختونخوا سی پیک کے لئے بطور سیکرٹریٹ کام کرے گا۔ صوبائی حکومت کی جانب سے سی پیک سیل کا اعلامیہ جاری کرتے ہوئے تمام سرکاری محکموں کو سی پیک سے متعلقہ امور میں محکمہ منصوبہ بندی و ترقیات کو مطلع کرنے کا پابند بنایا گیا ہے اور ساتھ ہی ہدایت کی گئی ہے کہ سی پیک سے متعلق تمام پیشرفت سیل کے ذریعے کی جائے، جبکہ اس سے متعلق ماہانہ جائزہ میٹنگ ایڈیشنل چیف سیکرٹری خیبر پختونخوا کے زیر صدارت منعقد ہوگی، جس کی پیشرفت سے وزیراعلٰی پرویز خٹک کو آگاہ کیا جائے گا۔