تحریک انصاف نے ہمیشہ عدالت کے باہر عدالت لگانے کی کوشش کی، مریم اورنگزیب

اسلام ٹائمز۔ وزیر مملکت اطلاعات مریم اورنگزیب نے کہا ہے کہ تحریک انصاف نے ہمیشہ عدالت کے باہر عدالت لگانے کی کوشش کی، کہتی ہیں کہ ہمارے ترقیاتی کاموں سے سبق سیکھیں اور قوم کی خدمت کریں۔ پانامہ کیس کی سماعت کے بعد میڈیا سے گفتگو کرتے ہوئے وزیرمملکت اطلاعات مریم اورنگزیب نے کہا کہ عدالت کے باہر عدالت نہیں لگانا چاہتے، عدالت کا معاملہ عدالت میں ہی زیربحث رہنا چاہیے۔ انہوں نے کہا کہ تحریک انصاف اپنے ہی موقف سے پیچھے ہٹ گئی ہے، مریم نواز اور حسن نواز کی ٹرسٹ ڈیڈ کو تحریک انصاف نے مان لیا، مریم اورنگزیب نے کہا کہ تحریک انصاف نے آج تک کوشش کی کہ ترقیاتی منصوبوں کو روکا جائے، عمران خان اعتراض کرتے ہیں کہ وزیراعظم فیتہ کاٹنے پہنچ جاتے ہیں، پاکستان کی خدمت کرنے والے ہی فیتے کاٹتے ہیں، مریم اورنگزیب کا کہنا تھا کہ خیبر پختونخوا کی عوام بالکل مایوس نہ ہو، جاری ترقیاتی منصوبوں کو 2018ء تک مکمل کریں گے۔