اسلام ٹائمز۔ مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری، ڈپٹی سیکرٹری جنرل علامہ حسن ظفر نقوی، علامہ احمد اقبال رضوی، سید ناصر شیرازی، علامہ مختار امامی سمیت دیگر عہدیدران نے گورنر سندھ و سابق چیف جسٹس آف پاکستان سعید الزمان صدیقی کے انتقال پر گہرے افسوس کا اظہار کرتے ہوئے کہا ہے کہ جمہوریت مخالف قوتوں کے خلاف مرحوم کے جرات مندانہ کردار کو کبھی فراموش نہیں کیا جا سکے گا۔ انہوں نے ہمیشہ جمہوری روایات کی پاسداری کی اور قانون و انصاف کی بالادستی کو یقینی بنانے کے لئے قابل قدر خدمات سرانجام دیں۔ انہوں نے مرحوم کی بلندی درجات اور پسماندگان کے لئے صبر جمیل کی دعا کی ہے۔