0
Thursday 12 Jan 2017 23:47

کئی دہائیوں سے وطن عزیز پاکستان دہشت گردی کی آگ میں جل رہا ہے، علامہ مقصود ڈومکی

کئی دہائیوں سے وطن عزیز پاکستان دہشت گردی کی آگ میں جل رہا ہے، علامہ مقصود ڈومکی
اسلام ٹائمز۔ مجلس وحدت مسلمین پاکستان کے صوبائی سیکریٹری جنرل علامہ مقصود علی ڈومکی نے دہشت گردی اور مذہبی منافرت کے خلاف 15 جنوری کو حیدرآباد میں منعقد ہونے والی آل پارٹیز کانفرنس کے حوالے سے حیدرآباد پریس کلب میں پریس کانفرنس سے خطاب کرتے ہوئے کہا ہے کہ مئیر سید طیب حسین، پی ٹی آئی کے صوبائی نائب صدر ڈاکٹر مستنصر باللہ، عوامی جمہوری پارٹی کے مرکزی صدر ابرار قاضی، کمیونسٹ پارٹی پاکستان کے مرکزی جنرل سیکریٹری امداد قاضی، اہل سنت رہنماء علامہ ڈاکٹر مسعود جمال، ٹاؤن چیئرمین میر فاروق خان ڈومکی، سابق ڈپٹی اسپیکر اور سندھ یونائیٹڈ پارٹی کے سربراہ سید جلال محمود شاہ سے ملاقات میں انہیں اے پی سی میں شرکت کی دعوت دیدی ہے۔ اس موقع پر گفتگو کرتے ہوئے علامہ مقصود علی ڈومکی نے کہا کہ اسلام دشمن سامراجی قوتیں مسلمانوں کو آپس میں دست و گریباں دیکھنا چاہتی ہیں، جبکہ تکفیری دہشت گرد سامراجی قوتوں کے آلہ کار بن کر بے گناہ مسلمانوں کا ناحق خون بہا رہے ہیں، داعشی دہشت گردوں کی تشکیل اور سرپرستی شیطان بزرگ امریکہ کے ہاتھوں ہوئی ہے اب یہ بات راز نہیں رہی۔

انہوں نے کہا کہ گذشتہ کئی دہائیوں سے وطن عزیز پاکستان دہشت گردی کی آگ میں جل رہا ہے، دہشت گردوں کے ہاتھوں اب تک اسی ہزار پاکستانی شہری شہید ہوچکے، مجلس وحدت مسلمین نے دہشت گردی کے خلاف جدوجہد میں قائدانہ کردار ادا کیا ہے، ملک گیر دھرنوں سے لے کر وارثان شہدائے شکارپور کے ہمراہ تاریخی لانگ مارچ ملک دشمن دہشت گردوں کے خلاف پرامن جدوجہد کی اعلیٰ مثالیں ہیں، ہم ملک کی تمام امن پسند قوتوں کو دعوت دیتے ہیں کہ آیئے دہشت گردی کے خاتمہ کے لئے ہمارا ساتھ دیں، فوجی عدالتوں کے ہوتے ہوئے ہمیں انصاف نہیں ملا، ہزاروں شہداء کے وارث آج بھی انصاف کے منتظر ہیں۔ انہوں نے کہا کہ جنرل راحیل شریف کو فرقہ واریت پر مبنی متنازعہ فوجی اتحاد کی ذمہ داری قبول نہیں کرنی چاہیئے، پاک فوج کے سابق سربراہ کی حیثیت سے ان کے اس فیصلے سے کروڑوں لوگوں کی دل آزاری ہوئی ہے۔
خبر کا کوڈ : 599576
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش