اسلام ٹائمز۔ ملک میں جاری مختلف منصوبوں اور نجی کمپنیوں میں کام کرنے والے چینی باشندوں کی سیکیورٹی کے لیے بنائے گئے یونٹ میں مزید 800 اہلکاروں کو بھرتی کرنے کا فیصلہ کر لیا گیا ہے، جبکہ ریکروٹمنٹ کا عمل بھی جلد شروع کردیا جائیگا۔ اس طرح مذکورہ یونٹ میں ریٹائرڈ فوجیوں سمیت مجموعی طور پر اہلکاروں کی تعداد 2 ہزار ہوجائیگی۔ تفصیلات کے مطابق کراچی سمیت سندھ اور بلوچستان میں جاری مختلف منصوبوں اور نجی کمپنیوں میں کام کرنے والے چینی باشندوں کی سیکیورٹی کے لیے بنائے گئے یونٹ میں مزید اہلکاروں کو بھرتی کرنے کا فیصلہ کرلیا گیا ہے۔