اسلام ٹائمز۔ پاکستان تحریک انصاف کے رکن سندھ اسمبلی خرم شیر زمان نے سندھ اسمبلی میں میڈیا سے بات چیت کرتے ہوئے کہا کہ رینجرز کے اختیارات کے حوالے سے میری قرارداد کو اسمبلی میں لانے کی اجازت نہیں دی گئی، رینجرز کی وجہ سے کراچی میں ٹارگٹ کلنگ اور بھتہ خوری میں نمایاں کمی آئی ہے، سندھ حکومت نہ پولیس کو ٹھیک کرنا چاہتی ہے اور نہ ہی رینجرز کو اختیارات دینا چاہتی ہے۔ انہوں نے کہا کہ سندھ حکومت کے رویہ نے شہریوں کو مشکلات میں ڈال دیا ہے، رینجرز کو جلد پورے سندھ میں ایک سال کے لئے اختیارات دیئے جائیں۔