اسلام ٹامز۔ گورنرخیبر پختونخوا انجینئر اقبال ظفر جھگڑا نے اپنے ایک بیان میں صوبہ سندھ کے نئے گورنر محمد زبیر کو گورنر سندھ کا عہدہ سنھبالنے پر مبارکباد دی ہے۔ گورنر نے انہیں نئے فرائض کی انجام دہی کے سلسلے میں نیک خواہشات کا اظہار کرتے ہوئے کہا ہے کہ یہ ان کی صلاحیتوں اور ملک و قوم کیلئے خدمات کا اعتراف ہے۔ انہوں نے محمد زبیر کو اس اہم ذمہ داری سے بطریق احسن کامیابی سے ہمکنار ہونے کے سلسلے میں نیک تمناؤں کا اظہار کیا ہے۔