0
Sunday 5 Feb 2017 21:12

یوم یکجہتی کشمیر کے موقع پر گلگت بلتستان بھر میں ریلیاں، حق خود ارادیت کی حمایت کا اعادہ

یوم یکجہتی کشمیر کے موقع پر گلگت بلتستان بھر میں ریلیاں، حق خود ارادیت کی حمایت کا اعادہ
اسلام ٹائمز۔ یوم یکجہتی کشمیر کے موقع پر گلگت بلتستان بھر میں ریلیوں اور کانفرنسز کا انعقاد ہوا، جن میں عوام کی بڑی تعداد نے شرکت کی۔ گلگت شہر میں اس سلسلے میں سب سے بڑی ریلی اتحاد چوک پر اختتام پذیر ہوئی۔ اس ریلی کی قیادت وزیراعلٰی جی بی کے پولیٹیکل ایڈوائزر شمس میر، خصوصی مشیر فاروق میر، حاجی عابد بیگ، ممبر جی بی کونسل ارمان شاہ، ہوم سیکرٹری احسان بھٹہ، ڈی سی گلگت حمزہ سالک اور سول سوسائٹی نے شرکت کی۔ مقررین و شرکاء نے اس بات کا اعادہ کیا کہ پاکستان کشمیریوں کے حق خود ارادیت کی ہمیشہ حمایت کرتا رہے گا اور کشمیر کی آزادی تک ہر فورم پر انکی اخلاقی و سیاسی مدد کرے گا۔ ریلی میں بھارتی وزیراعظم نریندرمودی کا پتلا بھی نذر آتش کیا گیا۔ اسی سلسلے میں اسکردو بھی یادگار شہداء پر جلسے کا اہتمام گلگت بلتستان یوتھ لائینس کی جانب سے ہوا، جس میں کشمیری مظلوم عوام پر جاری بھارتی بربریت پر اقوام عالم کی خاموشی کی مذمت کی گئی۔ جلسے میں گلگت بلتستان کو محروم رکھنے اور پاکستان کا آئینی صوبہ نہ بنانے پر بھی تحفظات کا اظہار کیا گیا۔
خبر کا کوڈ : 606819
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش