اسلام ٹائمز۔ اکنامک کارپوریشن آرگنائزیشن (ECO) کی 13ویں سمٹ یکم مارچ کو اسلام آباد میں ہونے جارہی ہے۔ جس میں ای سی او کے ممبر ممالک میں سے چھ ممالک کے سربراہان کی شرکت متوقع ہے۔ نجی ٹی وی کی رپورٹ میں بتایا گیا ہے کہ ایران، ترکی، آذربائیجان، ترکمانستان، تاجکستان، قازقستان کے سربراہان مملکت شریک ہوں گے۔ مذکورہ ممالک نے پاکستان میں ہونے والی سمٹ میں شرکت کی یقین دھانی کرائی ہے۔ واضح رہے کہ اکنامک کارپوریشن آرگنائزیشن میں ایران، ترکی، آذربائیجان، ترکمانستان، تاجکستان، قازقستان، کرغزستان، ازبکستان، افغانستان اور پاکستان شامل ہیں۔