اسلام ٹائمز۔ سوات کے علاقہ مینگورہ میں مسلم لیگ (ن) حلقہ پی کے 81 کے صدر شیر رحمان خان اور ان کے بیٹے علی شیر خان کی کوششوں سے تیس سالہ پرانی دشمنی دوستی میں بدل گئی، جس میں اب تک فریقین کے 27 افراد قتل ہوئے ہیں۔ اس کے علاوہ علاقہ کانگلئی سے ستر گھرانے علاقہ بدر بھی ہوئے ہیں۔ دشمنی حضرت بلال کاکا اور کروڑ نامی شخص کے خاندانوں کے درمیان چل رہی تھی۔ علاقہ کے عمائدین نے دیرینہ دشمنی کے خاتمہ کو علاقہ کے امن کیلئے انتہائی خوش آئند قرار دیا ہے۔